Minus One Element Technique (MOET) – Cebuano

Mga kasagarang pangutana mahitungod sa MOET

Unsa man ang Minus One Element Technique (MOET)?

Usa kini ka pagsuta ginamit ang buhing tanum aron mahibaluan kung unsa nga sustansya sa yuta ang adunay kakulangon. Kini nga pagsuta nagabase sa kahibalo nga ang pagtubo ug paghatag ug ani sa tanum gilimitahan sa sustansya nga adunay pinakaubos nga gidaghanon (law of minimum).

Unsa ang ipasabot kung mas maayo pa ang tubo sa tanum nga humay sa paso nga adunay kumpletong sustansya (complete) kaysa mga paso nga adunay usa ka kulang sa sustansya ilabi na ang –Zn o –Cu?

Posible nga kini nga mga sustansya duol na sa makahilong sukod (toxic level), mao nga sa panahon sa pagtesting nga diin ang maong sustansya gi‐aplay sa ‘complete’ miresulta kini sa toxicity o pagkahilo sa tanum.

Kung ang maong pagkahilo sa humay mahitabo sa imong pag‐testing, luwas pa ba nga mo‐aplay ug abono sa maong sustansya?

Dili luwas o rekomendadong mo‐aplay pa ug abono sa maong sustansya.

Kapila maghimo ug pag‐testing sa MOET?

Kung ang mag‐uuma makapalit niini, mas maayo kung kada tanum mag‐testing sa MOET tungod kay masiguro nga resulta tukma sa panahon. Ang paghimo sa pag‐testing sa MOET magdepende niini:

1. Klase sa yuta. Kung ang basakan banikahon (sandy), mas maayo nga mag‐testing ka usa kada tuig. Kung ang basakan bantukon (clayey), pwede kausa kada 2 ka tuig.
2. Kadaghanon sa klase sa abono nga gi‐aplay human sa pinakaunang testing sa MOET. pwede mag‐testing ug MOET kada 4 ka ting tanum kung:
   • ang mga mag-uuma nag‐aplay ug daghang abono ilabi na sa posporu (P) ug potasyo(K);
   • ang yuta bantukon; ug
   • anggagmay‐sustansya (micro‐nutrients) walay kakulangon
3. Kadaghanon sa abot pagkahuman sa MOET test. Kung ang abot sa humay kanunay molapas sa 4 ka tonelada (kakumpara sa 80 ka kabanes nga dunay 50 kilos nga kabug‐aton) maski sa panahon sa ting ulan, pwede mag testing sa MOET usa kada 4 ka ting tanum. Apan kung naay pag‐ubos sa abot tungod sa biotic factors, kinahanglan mag MOET test.