Ang kalidad nga binhi pwede himoon kon walay kakuhaan sa certified seeds sa lugar. Ang paghimo sa maayong binhi buhaton pag‐ayo. Ang mga eksperto adunay sugyot nga mga lakang sama niini:
1. Pagpili sa tambok nga luna.
2. Paggamit sa maayong kalidad nga binhi.
3. Darohon, palapukon ug dayon patagon pag‐ayo ang luna para makontrolar ang sagbot ug ang pagdumala sa tubig.
4. Gikan sa walay sagbot nga semilyahan, itanom ang himsog nga semilya (15‐20 ka adlaw) sa
tag- duha ka punuan sa 20 sentimetro x 20 sentimetro nga gilay‐on.
5. Paghatag sa balansi nga abono (N, P, K, S, Zn) nga gikinahanglan sa tanom.
6. Atimana ang tanom nga luwas sa mga sagbot, sa dangan ug mga sakit.
7. Sa katapusang pagpanaha hangtud sa pagpamuswak, kuhaa ang nasagol nga humay (base sa gitas‐on,porma, kolor sa dahon o punuan ug uban pa), ug ang adunay sakit o kadaut sa pesteng insekto.
8. Anihon sa saktong kahinogon (80‐85% sa lugas hinog).
9. Gioka (thresh), hinloi, ug paugha ngadto sa 12‐14% nga kaugahon. Taphan. Markahan ang inani nga binhi.
10. Isulod sa siradong sudlanan ang minarkahang binhi ug ipundo sa bugnaw, uga, ug hinlo, nga lugar.
Leave a Reply