Halin sa pagpanggipi, pagpamusogbusog tubtob magmuging, mag-abono sang nitroheno (1.5 sako nga urea kada ektarya kun tig-ilinit kag 1 sako nga urea kada ektarya kun tig-ululan) kon ang pagbasa sang LCC nagnubo na sa 4 para sa tanum kag nagnubo sa 3 para sa sab-og/dayrek.

Tanum. Sa pagmuging, dapat indi magnubo sa 300 ka uhay kada metro kwadrado.

Pamaagi: Para mahibalu-an ang kadamu-on sang uhay, magkuha sang 3 ka lokasyon paagi sa pabalasbas nga sistema sa pagkuha sang sampol. Ang kada sampol dapat indi magnubo sa 1 metro ang antad halin sa kilid sang kahon. Isipon ang mga uhay sa sulod sang 1 ka metro kwadrado nga kalaparon sang sampol (quadrat). Sumahon ang kadamu-on sang mga uhay kag bahinbahinon sa 3 para makuha ang average sang uhay kada metro kwadrado.

Sab-og. Sa pagmuging, dapat indi magnubo sa 350 ka uhay kada metro kwadrado.

Pamaagi: Sundon ang pamaagi sang pagkuha sang sampol sa tanom.

Hibalu-on kag dumalahon ang kinahanglanon nga nitroheno sa tanom basi sa LCC. Ang iban nga elemento ibasi sa MOET ukon Nutrient Omission Plot (NOPT).

Ang husto nga pagdumala sang elemento nagapaayo sang pagtubo kag patubas. Bu-ot silingon, mag-abono sang nagaka-igo nga klase kag kadamu-on sa husto nga ti-on.

Maayo ang pagtubo kag epekto sang abono sa humay kon malawig ang silak sang adlaw.

Himuon ang Minus-One-Element-Technique (MOET) sang indi magnubo sa 30 ka adlaw antis magpatanum o mag sab-og kag hibaluon ang elemento base sa sintomas kag pagtubo nga ginapakita sang tanom (halimbawa, kataason kag kadamuon sang gipi) kag indi base sa biomass.

Gamiton ang leaf color chart (LCC) kada 7 ka adlaw halin sang pagpanggipi tubtob magmuging para hibaluon ang pagkinahanglan sang tanom sang nitroheno (N). Ang LCC kag MOET isa ka simple nga galamiton sa paghibalo sa kakulangon sang elemento, giya sa pag-abono, kag makakini sa paggamit sang abono.

Magluwas sa kakulangon sang elemento, dapat talupangdon man ang mineral toxicity sa pagdesisyon sang pag-abono. Sa mga lungasog, ang iron toxicity ang masami nga problema ilabi na gid kon natubigan permi. Ang tanom nga apektado sang iron toxicity may mga pintok-pintok nga kaki nga nagasugod sa punta sang gulang nga dahon ukon may orange-yellow ukon kaki nga dahon.

Para matapna ang iron toxicity, buhaton ang bulus-bulos nga pagpatubi kag pagpahubas (intermittent irrigation) sang talamnan. Likawan ang padayon nga pagpatubig sa mga lugar nga mabudlay pahubsan, balansihon ang pag-abono, kag araduhon ang talamnan samtang wala pa sang tubig pagkatapos ani agud magsungaw ang iron samtang ginapapahuway ang duta.