Pagpreparar sang Duta

Seeds Land Planting Nutrient Water Pest Harvest

land-preparation-imgWala sang nagabuklod kag
nagaluhob nga duta pagkatapos sang
katapusan nga pagtapan

Ang husto nga pagtapan sang talamnan nagadulot sang:

  • talalapod nga pagsul-ob sang tubig;
  • mas diutay ang kinahanglan nga tubig agod mapatubigan tanan;
  • malikawan ang pagdabong sang hilamon, kag maayo nga pagdumala sang mga kuhol. Nagabulig man ini sa tupong nga tindog kag dulungan nga paggulang sang humay.

PAGTUL-ID/PAGTAKOS SANG KEY CHECK

Sa ti-on sang paghabay, kinahanglan nga may tubig ang talamnan sa kadalumon nga 2-5 sentimetro (sm), amo sa kataason sang kumalagko. Kinahanglan nga wala sang makit-an nga nagabuklod nga duta pagkatapos sang paghabay.

REKOMENDASYON SA PAGLAB-OT SANG KEY CHECK

    • Pag-arado. Araduhon sa kadalumon nga 10-15 sm agod malubong ang mga hilamon kag uhot 3-4 ka semana antis magpatanum ukon magsab-og agod madunot kag mapuslan sang tanom ang mga elemento. Kon ang mga uhot kag hilamon wala madunot sang maayo, mahimo mangin maaslum ang duta kag indi na magamit sang tanom ang iban nga mga sustansya. Ang pagpahubas o draining nagakuha sang makahilo o toxic substances, nagapadunot sa organikong mga bagay, kag nagatabang sa pagtubo sang mas madalum manalupsop kag malagba nga gamut. Mas madasig ang pagkadunot kon basa-basa lang ang duta.
    • Tinlu-an kag kay-uhon ang kahon. Kinahanglan nahagbasan ang mga kahon agod malagyo ang peste; nahampilan kag nadasok agod indi magtahos, kag mamentinar ang 15 sm nga kataason kag 20 sm nga kalaparon agod indi pag-estaran sang ilaga. Ang kahon ang nagapasiguro agod palareho ang pagsul-ob kag pagpahubas sang tubig. Ang pagpahubas makadula sang mga makahalalit nga mga bagay, mapadunot ang organiko nga mga bagay, kag makabulig sa paglagba kag mabakod nga gamut.
    • Paglamas. Lamaon ang talamnan sang indi magnubo sa 2 ka beses sa lang-at nga 1 ka semana pagkatapos mag-arado agod mapusa ang mga ba-il kag malubong ang mga dagami. Ginapahanugut sini nga makatubo ang mga hilamon kag dagakan. Ang dason nga paglama, nga amo man ang una nga pagtapan, kinahanglan pabalabag sa direksyon sang una nga paglamas. Ini agod padayon nga malubong ang mga nagtubo nga mga hilamon kag dagakan. Ini nga pamaagi ginahimo agod wala sang maestaran ang mga peste kag mamentinar ang hardpan.
    • Pagtapan sang talamnan. Tapanon ang duta gamit sang kahoy nga habay .
    • Paghimo sang mga kanalitas. Para sa sab-og nga humay, maghimo sang mga kanalitas sa kilid kag tunga sang mga kahon agod may iligan ang sobra nga tubig, alagyan sa pagpamulot sang kuhol.