Sheat Blight – Tagalog

• Ang sheath blight ay bunga ng isang anyo ng amag na tumutubo sa halaman.
• Ito ay sakit ng palapa ng palay na sanhi ng amag.
• Unang naapektuhan ang panlabas na talukap ng dahon ng palay at lumalawak ito hanggang sa umabot na ang panloob na talukap na dahon ng palay.
• Umaabot ng 40 porsyentong pagkalugi sa ani ang palayang tinamaan ng sakit na ito.

Yugto ng palay kung saan madali itong kapitan ng sakit:

• Umaatake sa kalagitnaan ng pagsusuwi hanggang sa paggulang ng palay. Sa panahon ng paglilihi hanggang sa pamumulaklak ng palay nagiging kritikal ang epekto nito sa palayan.

Pamamahala:

• Maglagay lamang ng sapat na nitrohenong pataba.
• Linisin lagi ang paligid ng palayan upang mapigilan ang pagkalat ng amag.
• Gumamit ng fungicide kung kinakailangan lamang.
• Bago magtanim, araruhin ng mabuti ang palayang tinamaan ng sheath blight upang maiwasan na ang pagkalat nito sa susunod na taniman.