Ang pagbalhin‐tanum himoon sa 21 AHS (adlaw human sabod) para sa mga dalian, medyo laayan ug laayan nga mga barayti. Para sa produksiyon sa binhi, girekomenda nga linya ang pagkatanom para makab‐ot ang igo nga gidaghanong popolasyon, mapasayon ang pag‐abono, pagkamut ug ingon man ang pagkuha sa mga sagol nga lain nga barayti.
1. Pagtanum sa saktong gidaghanon sa semilya. Ang rekomendadong kadaghanon sa semilya 2‐3 matag punoan para sa inbred ug 1‐2 semilya matag punoan para sa hybrid aron makab‐ot ang ensaktong popolasyon alang sa hataas nga abot.
2. Itisok ang semilya sa gilagmon nga 2‐3 ka sentimetro; ang lawom nga pagkatanom mahimong hinungdan sa dugay ug menos nga pagsipak.
3. Paggamit ug latid (pisi o nylon) aron himoong sumbanansa pagtanum, itanom ang inbred para sa produksiyon sa binhi sa gilay‐on nga 20 x 20 sentimetro sa panahon sa ting‐ilinit ug ting‐ulan.
4. Paghuman ug balhin‐tanum, pag‐aplay ug rekomendadong pangpatay sa kuhol (GAS) kung kini usa ka seryoso nga problema.
5. Pagpuna sa dili modugay sa pito ka adlaw pagkahuman ug balhin‐tanum aron malikayan ang dili pagka dungan‐dungan nga pagkahinog. Sa abot nga pang‐komersyo, matag semana nga malangan ang pagpuna, kinahanglan dugangan ug usa ka semilya matag punoan kada semana malangan sa pgbalhin tanum aron maapas ang pagpanaha o pagsipak.
6. Mentinaha ang tubig sa giladmon nga 2‐3 sentimetro human sa pagbalhin‐tanum.
Leave a Reply