Pagdumala sa Pag-abis
Nag-abis ug naggiok sa
humay sa insaktong panahon
Ang sayo ra nga pag-ani o dugay nga pag-ani makaapekto sa abot ug kalidad sa binhi. Kon maani sa insaktong panahon ang humay, maseguro nga maayo ang kalidad sa bugas nga mahimong mopataas sa presyo niini ug makapadani sa mga pumapalit/konsumedor.
- Ang sayo ra nga pag-ani moresulta sa taas nga porsinto sa mga hilaw (immature) nga mga lugas ug mahimong hinungdan nga momenus ang milling recovery o kadaghanon sa bugas sa panahon sa paggaling.
- Ang kalangan o ulahi ra usab nga pag-ani moresulta sa pagpangadagdag sa mga lugas nga hinungdan sa taas nga porsinto sa pagkausik sa panahon sa pag-ani ug sa pagkabuak sa mga lugas sa panahon sa paggaling.
- Reaping too late leads to increased grain shattering and excessive losses in terms of breakage during milling.
PAGSUTA SA KEY CHECK
Anihon ang humay kon gahi na ang 1/5 o 20% sa mga lugas nga anaa sa punuan sa uhay. Himoon ang pagpislit o pagpisa sa mga lugas nga anaa sa punoan sa uhay aron masuta kon gahi na ba. Niining panahuna dag na ang kolor sa kadaghanan sa mga lugas sa uhay.
REKOMENDASYON ARON MAKAB-OT ANG KEY CHECK
- Giokon ang palay dili mosobra sa isa ka adlaw human pag-ani kon ting-ulan (WS) ug dili mo sobra sa duha ka adlaw kon ting-init (DS)
- Paggamit sa hinlo nga thresher nga adunay sakto nga kakusgon. Anihon sa 20-25% nga kaumogon sa lugas para sa ting-ulan ug 18-21% nga kaumogon kon ting-init. Gikinahanglan ang paggamit sa grain moisture meter.
- Likayan ang pagbutang sa mga inabis nga humay diha sa basakan sobra sa usa ka adlaw kay kini moresulta sa pag-init sa mga lugas nga mahimong hinungdan sa pagkadaot ug amagon, labina sa pagpondo. Kini moresulta sa pagkadag sa lugas ug menos ang kalidad sa ginaling nga humay.
- Itukma ang threshing drum sa insakto nga kakusgon (sa banabana nga 800 rpm) aron maayo ang pasiunang paghinlo sa giniok nga humay. Ang sobra nga kakusgon sa thresher (threshing drum) moresulta sa taas nga porsinto sa kadaut sa mga lugas.
