Pag-ani
Nagarab kag natreser ang humay
sa husto nga panahon
Resulta sa paggarab sa husto nga panahon:
- manami kalidad nga pasi,
- mataas nga presyo sa merkado, kag
- pagbaton sang consumedor.
Resulta sa pag-ani nga kulang sa inadlaw:
- dako nga porsyento sang linghod nga pasi, kag
- manubo nga milling recovery.
Resulta sa pag-ani sa sobra sa inadlaw:
- pagkalataktak sang madamo nga pasi, kag
- pagkadugmok kon ipagaling.
PAGTUL-ID/PAGTAKOS SANG KEY CHECK
Anihon ang humay kon ang 1/5 ukon 20% sang mga pasi nga ara sa abaga sang uhay gulang na. Pisga-on ang pasi sa abaga sang uhay kon tig-a na.
REKOMENDASYON SA PAGLAB-OT SANG KEY CHECK
- Treseron ang humay sa indi magsobra sa 1 ka adlaw pagkatapos naani kun tig-ululan kag indi maglapaw sa 2 ka adlaw pagkatapos naani kun tig-ilinit.
- Maggamit sang matinlo nga treser nga may nagakabagay nga makina. Anihon ang humay kon may 20 tubtob 25% nga moisture content kon tig-ululan kag 18 tubtob 21% moisture content kun tig-ilinit. Ginapanugyan ang paggamit sang grain moisture meter.
- Likawan ang pagtugday sang inani sa talamnan sang sobra sa 1 ka adlaw tungod magaresulta ini sang pag-init sa mga pasi, pagliwat sang duag sang pasi nga makapanubo sang kalidad sang bugas.
- Ibutang ang blower sa husto nga kadasigon (approx. 800 rpm) agod maayo ang una nga pagtinlo. Ang madasig nga pagtiyog sang treser, makapalitik sang mga sangpasi, kag ang mahinay naman magaresulta sang madamo nga usik.
