• Dagiti kangrunaan a teknolohia ti agbalin a Key Check
• Panangtulong kadagiti grupo-grupo a mannalon a mangammo kadagiti problema ti panagtalon, mangawat kadagiti Key Check, ken mangadal iti PalayCheck. Ikumparada dagiti wagas ti panagaywanda iti pagay, kaadu ken kalidad ti apitda, ken ganansiada kadagiti dadduma a mannalon
• Panangisuro kadagiti mannalon a mangrukod ken mangpasayaat kadagiti agdama a wagasda, babaen kadagiti napili a Key Check
• Panangmunitor ken panangilista kadagiti mausar iti panagtalon, ken pannakatung-pal dagiti Key Check tunggal paset ti panagdakkel ti pagay
• Panangtulong kadagiti mannalon a mangawat kadagiti Key Check, ken mangammo kadagiti gapu ti pannaka-tungpal wenno pannakapaay dagitoy a pagrukudan

Tunggal lokasion ket buklen ti PalayCheck tekno-demo a mangiparang kadagiti maisuro a teknolohia; maysa a grupo dagiti mannalon; ken ti mangisuro a teknisian. Mapili a naimbag ti makinkukua iti tekno-demo a talon. Kaguddua’t maysa nga ektaria koma ti talon, ken adda iti igid ti kalsada; adda kaabayna a saan a tekno-demo, ken asideg iti pagmimitingan dagiti mannalon.
Mabalin a maited iti tekno-demo a talon dagiti bin-i ken abono tapno sigurado a matungpal dagiti maisuro a teknolohia.
Ti tekno-demo ti pakarukudan dagiti pagsayaatan ken pagkurkurangan dagiti wagas dagiti mannalon, kasta met ti pannakabukel ken pannakaipakat dagiti remedio tapno magun-od ti kayat nga apit ken ganansia. Mabalin a tumulad dagiti dadduma a kagrupo a mannalon kadagiti wagas ken pamuspusan ti PalayCheck.
Dagiti makiraman iti PalayCheck ket 15-25 a mannalon nga agkakaarruba wenno agkaka-barangay. Agmiting daytoy a grupo sakbay, bayat, ken kalpasan ti panagtalon tapno binsabinsaenda dagiti wagas ti panagpata-nurda iti pagay, kaadda ti peste, apit nga irik, ken panawen; ikumparada met ti PalayCheck tekno-demo kadagiti talonda kas koopereytor. Ammuenda dagiti rason ti pannakatungpal/pannakapaay dagiti Key Check babaen iti bukodda a padas ken sirib, ken planuenda ti sumaruno a miting. Agaramidda pay iti rekord dagiti pasamak iti tekno-demo a talon ken bukodda a kapagayan.
Iti tunggal lokasion, maadal a naimbag dagiti wagas ti panangtagibi iti pagay, pannaka-tungpal/paay dagiti Key Check, ken apit nga irik. Maiparang dagiti resulta bayat ti maudi a miting (kalpasan ti gapas), tapno maamiris ken maanalisar ti pannakatungpal dagiti Key Check, kasta met ti apit ti tunggal koope-reytor ti PalayCheck.

A wagas, nasken met a bigbigen ti panagsi-sinnuro dagiti mismo a mannalon. Mapasamak daytoy sakbay, bayat, ken kalpasan ti tunggal panagapit. Ikumpara dagiti mannalon dagiti gapuananda kadagiti puntiria a resulta (kaadu ken kalidad ti apit, ken pannakasaluad ti aglawlaw), kas ipakita dagiti natungpal a Key Check. Gapu iti kakirang ti puonan, saan a kankanayon a matungpal amin dagiti man-nalon dagiti rekomendasion ti PalayCheck. Maitudo dagiti balligi, parikut, ken nagbiddutan dagiti mannalon, gapuna a maliklikan dagitoy iti sumuno a panagtalon.

1. Aywanan ti pagay babaen iti panangusar kadagiti Key Check.
Buklen ti PalayCheck dagiti maisuro a paset ti teknolohia. Ipakaawat kadagiti mannalon a dagiti Key Check ti kangrunaan a rekomenda-sion tapno umadu ti apit, no la ket matungpal dagitoy. Ti tunggal paset ti panangtaraken iti pagay ket mabalin a maaddaan iti saan a maymaysa a pagrukudan (Key Check). Tunggal Key Check ket addaan kadagitoy sumaganad:

• Panangaywan iti Pagay. Kas pangarigan iti Kalidad ti Bin-i, ti Key Check ket “Nagusar iti certified seeds ti rekomendado a barayti”.
• Panangalisar iti Key Check. Babaen daytoy, masinunuo no natungpal ti Key Check. Kas pangarigan, ti bin-i ti napintas a barayti ket sertipikado ti NSQCS, kas iparang ti tag ti sako. No natungpal, matsekan (/). No saan, makrusan (x).
• Importansia. Ipaneknek daytoy ti kinapateg ti Key Check, tapno magun-od ti kayat a takder ken apit nga irik ti pagay. Kas pangarigan, puro ti certified seeds, nadalus, namsek ken agpapada ti sukogda, ken agtubo ti 85% dagitoy, wenno ad-adu pay.
• Rekomendasion tapno Matungpal ti Key Check. Mailanad dagiti wagas ti panagaywan iti pagay tapno matungpal ti Key Check ken umapit iti adu. Kas pangarigan, pumili iti barayti a nangato nga umapit ken nalaka nga ilako, ken naipadasen kadagiti tekno-demo a talon. Ti rekomendasion ket ti napintas a bin-i, Key Check met ti dakkel nga apit.

2. Paliiwen, rukuden, ken irekord ti pannakataraken ken panagdakkel ti pagay.
Isuro dagiti mannalon a kanayonda nga obserbaren a naimbag ti pagay; asakendaa mismo ti sinilong, saan nga iti adayo ti pangsirig-siriganda lattan iti pagayda.
No asaken ti sinilong, ipakita kadakuada no kasano ti agrukod iti panagdakkel ken pannakataripato ti pagay. Agusar iti ruler, bilangen, wenno gantingen; saan a pagpagtuan.
Irekord dagiti narukod. Ti panagsurat ket napateg a paset ti panagusar iti Palay-Check, tapno mabalin a mausarto manen ti naala nga impormasion. Usaren ti naited a form wenno notebook. Saan a basta tanda-anan wenno wido-wido lattan; isurat ti maala a datus.

3. Pagkumparaen ken analisaren dagiti resulta tapno maitudo dagiti problema.
Isuro dagiti mannalon a mangamiris kadagiti koneksion dagiti wagas ti panagaywan iti pagay, rukod, ken datus ti apit tapno makita dagiti masapul a mapasayaat. Damagen kadakuada no kasano a nagun-odda ti puntiria nga apit.

4. Ikkan solusion dagiti problema iti sumuno a panagtalon.
Tulungan dagiti mannalon a mangpasayaat kadagiti kannawidanda a wagas, wenno uliten dagiti aramid a nangted adu nga apit. Umadawkay iti leksion kadagiti padpadasyo. (Kahon 2)